Fagpressenytt

Frå undersøkjingar vi har gjort, veit vi at nokre alternative behandlarar har autorisasjon som helsepersonell, og at ein del helsepersonell gir alternativ behandling både medan dei er på jobb i og for helsetenesta, men også utanfor. Det er utfordrande for pasientane å skjøne kva for ein hatt den kvitkledde hjelparen deira har på seg, og kva juridisk stilling ein står i.
Korleis er til dømes fødande kvinner sikra når jordmora gir akupunktur mot smerte? Er det forskjell på om dette skjer på fødestova eller under heimefødsel? Kva med pasientane til fysioterapeuten som brukar osteopatiske teknikkar eller myorefleksterapi på pasienten medan han ligg på benken? Korleis er ståa når lækjaren kjem med forslag om at pasienten med dei udefinerte plagene prøvar eit homøopatisk eller antroposofisk middel? Og kva skjer dersom det oppstår skade når kiropraktoren set nåler i pasienten?
Å skjøne at det er ein forskjell her, og kva som skapar den er avgjerande for korleis både helsepersonellet og pasienten er sikra juridisk til eikvar tid.

Staten sitt ansvar?
Prinsippet er og har vore som fylgjer: pasienten kan rekne med hjelp, støtte og erstatning frå staten ved skade dersom den alternative behandlinga er årsak til skaden, og når den alternative behandlinga er ein «integrert og samanhe