Fagpressenytt

Utanforskap truar ein stadig større del av dei unge både i Noreg og internasjonalt. Mest utsett er dei unge med utfordringar som psykiske vanskar, ADHD, rus, tøff oppvekst eller andre helsevanskar. Høvet til å finne seg ufaglært lønna arbeid i kommune, på ferja, på havna, i det lokale verftet eller i byggebransjen for dei som ikkje er så teoristerke, er ikkje til stades i same grad som før, sjølv om det framleis er mogleg å få til.

Samfunnsutviklinga generelt har bidrege til å gjera formell kompetanse viktigare. Krav om teoretisk kunnskap har auka også i bransjar som tidligare var meir reine handverksfag. I tillegg kjem arbeidsinnvandringa og flyktningkrisa. Er det i det heile jobb å få for ein motlaus ungdom som ikkje klarar å gå på skulen?

Gjennom å følge 16 ungdomsprosjekt knytt til NAV og dei vidaregåande skolane ulike stader i landet over ein periode på 3-4 år, har vi treft fleire unge som avbraut skulen, kom inn i negative sirklar, mista nettverk, og tapte mot til å omgåast andre. «Jeg har konsentrasjonsvansker, jeg kommer meg ikke opp om morgenen, jeg interesserer meg ikke så lenge om noe om gangen. De prøver å motivere meg hele tiden. Jeg sliter med det å sitte stille, får problemer etter 10-15 minu