Fagpressenytt

I korte periodar kan dei fleste av oss ta oss heilt ut. Jobbe lange dagar og halde høgt tempo. Nokre av oss trivs best i femte giret. Me likar oss sjølv, føler oss flinke og effektive, og er ti meter høge på «travel og viktig».

Etter bølgetoppar kjem bølgedalar. Prosjektperioden har tatt alle kreftene. Me treng gjerne tilsvarande lang tid til rekonvalesens etterpå. Dasse litt rundt, vere ineffektive, drikke kaffi med kollegaer og glo oppgitt på skjermen. Og me treng at det er heilt greitt.

På mange arbeidsplassar i dag er det kamp om kontraktar, nedskjeringar og permitteringar. Færre folk skal gjere meir arbeid, raskare.