Uniforum
24.06.2019
-Me har fått gode skussmål for arbeidet med Strategi 2030 frå UiO-styret. No håpar me endå fleire tilsette og studentar kan koma med innspel under høyringa til hausten. Det seier prorektor Gro Bjørnerud Mo og rektor Svein Stølen.
Den 18. og 19. juni hadde rektoratet seminar saman med universitetsstyret, dekanane, museumsdirektørane og biblioteksdirektøren. Formålet var å diskutera alle innspela som har kome i prosessen, få tilbakemeldingar og saman staka ut vegen vidare når dei no skal levera eit første utkast til strategi. Det skal vera klart til eit nytt møte med dekanane og museumsleiinga og bibliotektleiinga i september. Deretter skal eit nytt utkast til Strategi 2030 sendast ut på høyring til alle einingane på Universitetet i Oslo.
Les mer- Det var behov for å henta inn endå meir dokumentasjon om situasjonen for både mangfald, det tverrfaglege og personalpolitikk ved Universitetet i Oslo. Det opplyser prorektor Gro Bjørnerud Mo og rektor Svein Stølen til Uniforum etter at dei har gjort opp ein førebels status for arbeidet med Strategi 2030.
Avløyser Strategi 2020
Strategi 2030 skal avløysa Strategi 2020 som blei utforma i første del av Ole Petter Ottersens rektorperiode. Heilt sidan tidleg i vårsemesteret har UiO-leiinga hatt ein brei og open debatt med både tilsette og studentar på heile universitetet.
Fire tankesmier blei oppretta, leidde av tre dekanar og ein museumsdirektør. "Tunge trendar", blei leid