Fagpressenytt

Han er vel 17 år, går siste året på vidaregåande og skal avtena den allmenne verneplikta neste år, fortel han. Deretter håpar han å studera i utlandet - som nær sagt alle unge eg kjem i snakk med i Kasakhstan.
- Kanskje i England, eller i Norge. Eg har nett spurt han om velferdstenestene i heimlandet hans. På papiret er dei vel om lag som i Norge. Jamvel inkurien med at tannhelse ikkje blir rekna med. Men noko er veldig annleis. Skal du få god omsorg og dei beste legane i Kasakhstan, må du betala under bordet, fortel han meg før han går av bussen.

Eg kom til Kasakhstan natt til søndag 17. august. Neste morgon - samtidig som eg og dei fleste andre i den norske delegasjonen tek våre første steg ut i den vanvitige nylaga hovudstaden Astana (med prangande presidentpalass, tolvfeltsvegar, futuristiske megabygg, nyplanta parkar og hagar, pyramide og triumfboge, og Bayterek-tårnet, der ei tavle inviterer besøkande til å legga sin eigen neve i det forgylte handavtrykket til landet sin første president Nursultan Nazarbajev og ønska seg noko) - blir aktivisten og demokratiforkjemparen Aizhan Mameshova vilkårleg arrestert og forhøyrd om falske klagemål ein annan stad i landet.

- Styresmaktene veit ikkje kva meir dei skal finna på for å skremma meg