- Ingen visste kva som ville skje
Etter at UiO-rektor Svein Stølen hadde helsa Francis Fukuyama velkomen, overtok Civita-forskar Mathilde Fasting stafettpinnen og ville vita kva han syntest om utviklinga av kunstig intelligens i dag.
TAKKA FOR TALEN: Her får Francis Fukuyama ein takk frå Civita-leiar Kristin Clemet (med ryggen til). Civita-forskar Mathilde Fasting intervjua Fukuyama under frukostmøtet i Universitetets Aula. UiO-rektor Svein Stølen står lengst til høgre. (Foto: Ola Gamst Sæther)
Då vende han tilbake til oppfinninga av elektrisiteten rundt 1870.
- Ingen visste kva som ville skje vidare den gongen, sa han og trekte parallellen til EUs forsøk på å regulera kunstig intelligens.
- Om EU hadde eksistert på den tida, ville dei kanskje ha prøvd å regulera den oppfinninga også med tanke på kva den ville føra til av tapte arbeidsplassar, humra han.
- I stor grad handlar dagens utvikling om overgangen frå ein industriell til ein postindustriell økonomi. I dag sit folk framfor datamaskiner i staden for framfor eit samleband i ein fabrikk. Både
