Fagpressenytt

Det blei så godt som erklært krise då resultata frå den siste PISA-undersøkinga vart presenterte i starten av desember. Leseferdigheitene går nedover, ein firedel av gutane i undersøkinga vil ha problem med å lese lengre, ukjente tekstar. Ungdomen les mindre og mindre, og under halvparten les på fritida.

Leseplikt
På Årstad har skulebiblioteket sett i gang eit prosjekt som skal få elevane til å lese meir, etter initiativ frå biblioteksjef Sunniva Relling Berg. No les alle elevane som går fyrste året i tjue minuttar kvar dag. Det blir lånt tid frå alle moglege timar, og sjølv om det er nokon som syns det er litt rart å ta av til dømes verkstadtida til elektrofagelevane, er prosjektet så populært at dei håpar å få utvida til påbyggklassane neste år.
- Når me har lesing heilt på slutten av dagen, hender det me blir sittande med boka etter at timen er ferdig, seier Ahmed Omar, ein av elevane i prosjektet.
Han er innom biblioteket, og bibliotekar Elisabeth Irgens Casén Pihl skyndar seg å spørje korleis han likar boka ho har anbefalt han, «Udyr» av Kristine Tofte.
- Den er kul. Eg kjenner meg veldig godt igjen, seier Omar.
Kameraten Arturs Grigorjevs held på si side på med «Nora eller brenn Oslo brenn», som han likar godt, men han er ikkje heilt vane med å lese for lesinga si skuld. - Dei fyrste ti minuttane av lesetida er eg ofte litt ukonsentrert, men så kjem flyten, seier han.
Grigorjevs er heller ikkje blant dei som syns lesing var veldig spennande før han starta, og Irgens har laga ein avtale med han om ein liten premie når boka er ferdig.
På Årstad er det ungdomsbøkene som er klart mest utlånte, men dei står saman med dei andre skj�