Det var i desember i fjor fleirtalet i Stortinget stemte for budsjettforslaget frå regjeringa om at universitet og høgskular skulle krevja inn studieavgifter frå studentar utanfor EØS og Sveits. Samtidig fekk universiteta og høgskulane mindre i overføringar frå Kunnskapsdepartementet enn det dei hadde fått tidlegare. For UiO utgjorde kuttet 12,8 millionar kroner i 2023, og det vil auka til 51 millionar kroner når det slår ut for fullt i 2025, heiter det i bakgrunnsnotatet til Universitetsstyret.
Både Universitetet i Oslo, Universitetet i Bergen, NTNU og Universitetet i Tromsø har i fellesskap koordinert prisfastsetjinga for dei ulike faga på både lågare og høgare grad.
På tysdag kjem forslaget til studieavgifter på dei ulike fagkategoriane på bordet til Universitetsstyret.
Det viser at studentar frå land utanfor EØS og Sveits må betala opptil 500 000 kroner i året for å gå på medisin- eller odontologi-studiet på UiO. Studentar frå Universitetet i Beograd i Serbia og Kings s College i Storbritannia som er med i Circle U-samarbeidet, vil derimot sleppa å betala.
Også britiske statsborgarar som har nytta seg av retten til fri rørsle før overgangsperioden gjekk ut 31.desember 2020, får unntak på grunn av separasjonsavtalen med Storbritannia,, går det fram av sakspapira til Universitetsstyret.
Dette er prislista Universitetsstyret blir bede om å vedta:
Studium i kategori A - 500.000 per år (profesjonsutdanningane i medisin og odontologi)
Studium i kategori B - 380.000 per år (profesjonsutdanningar i psykologi og farmasi)
Studiium i kategori C - 260.000 per år (realfag og teknologi på høgare grads nivå)
Studium i kategori D - 180.000 per år (fag på høgare grads