Det går fram av UiOs endelege høyringsuttale til Opptaksutvalets utgreiing om det framtidige opptakssystemet i Noreg. No er det sendt over til Kunnskapsdepartementet etter at rektor Svein Stølen fekk fullmakt frå Universitetsstyret til å skriva ferdig høyringsuttalen på grunnlag av diskusjusjonane i styret tysdag 7. mars.
Les meir:
Det var i den 1. desember i fjor utvalsleiar Marianne Aasen kunne overlevera rapporten frå Opptaksutvalet til forskings- og høgare utdanningsminister Ola Borten Moe. I rapporten "Veier inn - ny modell for opptak til unversiteter og høyskoler" føreslår fleirtalet av utvalet mange radikale grep for å endra dagens opptakssystem for høgare utdanning.
Kvote for førstegongsvitnemål og ordinær kvote skal erstattast med éin karakterkvote der alle konkurrerer med karakterane frå den første gongen faga blei bestått. Denne kvota skal gjelda 80 prosent av studieplassane.
Utvalet peikar på at karakterar frå vidaregåande har sterk samanheng med gjennomføring i høgare utdanning, og er ein effektiv og enkel måte å rangera på. 20 prosent av studieplassane skal reserverast til dei søkjarane som treng ein ny sjanse, og som må ta den standardiserte opptaksprøven.
Den 9. mars var fristen institusjonane fekk for å senda inn høyringsuttalar til rapporten.
UiO ber i den endelege uttalen om at institusjonane får autonomi til sjølve å fastsetja bestemte opptakskrav, mellom anna når det gjeld krav for realkompetansesøkjarar, supplerande rangeringskriterium og fordelinga av storleik mellom karakterkvote og opptaksprøvekvote på dei ulike studia. Det blir vist til at institusjonane har ulik profil og innretting.
Risikabelt
Men når det gjeld forslaget om å fjerna realfags- og språkpoeng utan ei grundig utgreiing av konsekvensane, meiner UiO det framstår som risikabelt. Derfor føreslår universitetet at det bør vurderast om poenga skal behaldast i ein
