UiO og likestillings- og diskrimeringsombodet hadde toppmøte om trakassering

Uniforum 27.01.2023

Martin Toft

- Om UiO treng meir bistand, er me på tilbodssida, seier likestillings- og diskrimineringsombod Bjørn Erik Thon etter møtet med prorektor Åse Gornitzka og personaldirektør Irene Sandlie denne veka.

Det var måndag 16. januar Uniforum først kunne melda at Likestillings- og diskrimineringsomdbodet ville ha eit møte med Universitetet i Oslo om kva tiltak som var sett i verk mot trakassering og rasisme på institusjonen. Bakgrunnen var konklusjonen til ombodet frå 2017 om at UiO ikkje hadde gjort nok for å stansa rasismen mot ein tilsett i Eigedomsavdelinga.

Heldt sju kurs for leiarar ved alle fakulteta på UiO

Rett før jul kom saka til vedkomande opp igjen i ein reportasje på NRK om rasisme i Noreg. To dagar etterpå, den 16. desember sende likestillings- og diskrimeringsombodet eit brev til universitetet og inviterte til eit møte. Rett etter at LDO hadde handsama saka i 2018, hadde ombodet ein samarbeidsavtale om førebygging av trakassering og seksuell trakassering. Sju kurs for leiarar på alle fakulteta ved UiO blei haldne av LDO. Det siste kurset var i november i fjor.

Tysdag denne veka møtte likestillings- og diskrimineringsombod Bjørn Erik Thon prorektor Åse Gornitzka og personaldirektør Irene Sandli ved UiO i lokala til LDO i Oslo sentrum. Med på laget hadde dei også seniorrådgjevar Marie Johanne Talleraas

Les mer