Det skjedde på eit seminar arrangert av UiO i samarbeid med Studentane sin fredspris og NUPI. Då fortalde dei kor glade dei var for å få prisen, og dei inviterte samtidig andre presseorgan, både studentaviser og andre til å samarbeida med dei. Dei varsla at studentmagasinet DOXA snart også ville koma med ei engelskspråkleg utgåve.
Avslørte korrupsjon og seksuell trakassering ved universitet
Grunngjevinga for å gi denne prisen til DOXA var det modige arbeidet studentmagasinet har gjort ved å avsløra korrupsjon og seksuell trakassering ved universitet, dokumentering av statleg forfylging og kampen mot desinformasjon frå styresmaktene. Etter Russlands invasjon av Ukraina har også magasinet tatt på seg oppgåva med å avsløra russiske krigsbrotsverk.
- Rørande
Uniforum får snakka med både Aleksandra Guliaeva og Nikita Kuchinski om korleis det er å jobba for DOXA og måtte gjera det frå eit land utanfor Russland.
POLITISKE IDEAR: - Eg synest me kanskje kan bruka denne prisen som ei moglegheit til å utveksla politiske idear, seier Aleksandra Guliaeva, redaktør for det russiske studentmagasinet DOXA.. (Foto: Ola Gamst Sæther)
Doxa-redaktøren Aleksandra Guliaeva starta å jobba for magasinet etter at ho måtte flykta frå Russland til Litauens hovudstad Vilnius. Medan ho var student i Moskva arbeidde ho for eit anna studentmagasin, fortel ho t
