Ein viktig reiskap for å få det til, nyttar regjeringa i statsråd førstkomande fredag, då det blir føreslått å endra universitets- og høgskulelova slik at det står svart på kvitt at undervisningspråket er norsk eller samisk med høve til fagleg grunngjevne unntak.
Vil lovfesta retten til å skriva oppgåver på norsk
Regjeringa vil at studentane frå og med 2024 skal få ein lovfesta rett til å skriva oppgåve i både bachelor og master på norsk (nynorsk og bokmål) eller samisk. For at det skal skje, vil dei endra universitets- og høgskulelova også på det punktet. Når det gjeld studentane, skal det stillast krav til institusjonane om at dei også får kompetanse i norsk fagspråk i høgare utdanniing gjennom ei føreskrift om nasjonalt kvalifikasjonsrammeverk, går det fram av handlingsplanen for norsk fagspråk i akademia.
Utanlandske tilsette skal få både rett og krav til norskopplæring
Eit anna tiltak som universiteta og høgskulane blir bedne om å gjennomføra, er å fylgja opp ei mogleg føreskrift om krav om norskkompetanse på nivå B2 innan tre år for fast tilsette som har undervisningsoppgåver og som ikkje har norskkunnskapar på eit så høgt nivå ved tilsetjing.
I handlingsplanen går regjeringa også inn for å føreskriftsfesta eit krav om at doktorgrads- og postdoktorstipendiatar som ikkje har kunnskapar i norsk ved tilsetjing får tilbod om norskopplæring og krav om gjennomføring av norskopplæring tilsvarande 15 studiepoeng.
Vil ha auka vektleggjing av formidling på norsk fagspråk
Arbeidet med ein termportal for fagspråk ved Universitetet i Bergen skal styrkjast. Reglane om norsk fagspråk i den nye universitetet- og høgskulelova skal også bli endå tydelegare, slik at det blir klarare kva institusjonane skal gjera for å innfri kravet i lova, heiter det.
Dessutan skal det, dersom regjeringa får oppfylt ynsket sitt, arbeidast meir for å leggja vekt på formidling og utvikling av norsk fagspråk og terminologi ved rekruttering og merittering.
- Heilt nødvendig
Forskings- og høgare utdanningsminister Ola Borten Moe understrekar bakgrunnen for at regjeringa no kjem med ein handlingsplan for norsk fagspråk i akademia.
- Dette kjem ikkje ut av eit vakuum, men det
