DIGITAL DOKUMENTASJON: I framtida blir det endå meir digital dokumentasjon om dei arkeologiske utgravingane I Noreg. På biletet presenterer professor Dagfinn Skre funna frå Kaupang-utgravingane. (Arkivfoto)
Foto: Ola Sæther
Det var stor begeistring på Kulturhistorisk museum ved UiO då dei i går ettermiddag fekk vita at Forskingsrådet hadde gitt pengar til prosjektet Archaelogical Digital Excavation Documentation (ADED).
Med på laget blir både Arkeologisk museum ved Universitetet i Stavanger, Universitetsmuseet i Bergen, Universitetsmuseet i Tromsø og Riksantikvaren. Prosjektet er eitt av mange prosjekt som ii går fekk tildelt til saman1 milliard frå Forskingsrådet til utbygging av infrastruktur i forsking.
Seksjonssjef Torunn Klokkernes i Seksjon for samlingsforvaltning ved Kulturhistorisk museum er svært nøgd med tildelinga.
- Gleda er stor over at me no - saman med dei tre andre arkeologiske fagmiljøa i samarbeid med Riksantikvaren kan leggja til rette for at den store mengda med arkeologisk feltdokumentasjon kan gjerast ope tilgjengeleg for både forsking, formidling og for det vanlege publikum. Det er ei stor glede for oss at me kom gjennom med denne søknaden, fortel Torunn Klokkernes til Uniforum.
Pengane kjem altså frå forskingsprogrammet Nasjonal satsing på forskingsinfrastruktur i Forskingsrådet. Klokkernes fortel at ansvaret som universitetsmusea har for å lagra og gjera tilgjengeleg dolumentasjonen av arkeologiske undersøkingar i Noreg, blir lettare å få til når dette prosjektet er ferdig om tre år. Ho viser til tidlegare an