Fagpressenytt

I denne artikkelen syner vi nokre døme på korleis endringar i krav til avkasting og arbeidsvederlag kan slå ut på lønsemda i utbyggingsprosjekt. Grunnlagsmaterialet er eit utval av driftsplanar frå bruk i Vestland som fekk finansiering i Innovasjon Noreg frå 2016 til 2019. Planane er utarbeidde av rekneskapslag og Tine. Vi hadde tilgang til 10 driftsplanar med 20-24 kyr og 13 planar med 30-34 kyr.

Netto noverdi
For å studere lønsemda nyttar vi netto noverdi av investeringa i nytt fjøs. Vi reknar ut netto noverdi slik: Sum alle framtidige resultat før avskrivingar over levetida til investeringa, i vårt tilfelle 30 år - Sum rentekrav og arbeidsvederlag over dei 30 åra - Nettoinvestering, dvs. totalinvestering med frådrag av investeringstilskot = Netto noverdi Netto noverdi fortel oss kor mykje formuen vår aukar, målt i dag, ved å gjennomføre investeringa. Om netto noverdi er positiv er investeringa lønsam, og om den er negativ er investeringa ikkje lønsam. Levetida for eit fjøs har vi sett til 30 år, som ein vegd sum av levetida for teknisk utstyr i bygningen, 15 år, og levetida for sjølve bygningskroppen, 40 år. Levetida er mellom anna avhengig av val av teknologi og vedlikehald. I alternativa nyt