Fagpressenytt

Vulkanutbrotet på islandske Vestmanneyar i 1973 tok med seg over 400 hus. Berre éin person omkom under utbrotet, forgifta av gass. I månadsvis kjempa bergingsmannskap mot lavaen, som seint seig fram. Dei sprøyta på store mengder sjøvatn for å kjøle ned og forseinke lavaen. Nesten alle dei rundt 5000 innbyggarane evakuerte, og busette seg mellombels eller varig på det islandske fastlandet.

På forsommaren deltok eg med Forskerforbundet på nordisk møte. Forbundet møter årleg dei nordiske systerorganisasjonane, og no var møtet lagt til Vestmannaeyar. Settingen ved dei nordiske møta er verdifull, eg vil nesten seie genial. Kor kan ein elles dele bord med folk frå alle dei nordiske landa samtidig? Landa har ulike system, men på eit par dagar kjem både nasjonale trendar og felles utviklingstrekk ganske klårt fram. Nordisk møte er eit forum for å ver