Fagpressenytt

Orden, trivsel og glede er tre ord som garantert dukkar opp bak pannebrasken om du slakkar på gassen og svingar inn i det romslege tunet til Johan Fjeldsaa. To livsglade Border collie-hundar kjem springande i fullt firsprang for å helsa på, medan eit par, tre velfødde kattar kjem meir skeptiske smygande for å vurdera gjesten.

- Tinka er seks år, medan Roy har fylt tretten og byrjar å bli godt vaksen, seier Johan, medan han klappar dei to logrande sauegjetarane over lòdne nakkar.

Garden Tveiten i Sirdal kommune i Vest-Agder ligg drygt 300 meter over havet. Postadressa er kommunesenteret Tonstad, drygt to mil frå grenda Omlid der Johan sin gard ligg, og femti meter frå sagbruket Sirdal Sag, som med umiskjennelege skjerelydar fortel om hektisk aktivitet.

Aktivitet er det også hjå Johan. Våronna er i gang. Far til Johan spreier husdyrgjødsel på dei tørraste teigane med ei lett vakuumvogn, medan Johan serverer kaffi i tunge Geno-krus og tar seg tid til ein prat.

- Me fekk ein treg start på dagen i dag, det eine traktordekket punkterte. Det betyr ikkje så mykje, i forhold til i fjor er vi tidleg ute med våronna. Vi har god tid, seier Johan.

Han har sansen for både husdyr og maskinar, ein grei kombinasjon for ein bonde. Husdyra har første prioritet. Den nyvalte leiaren i arbeidsutvalet i Dalane Produsentlag er oppteken av å gjera dei rette grepa for å levera kvalitet og volum. Det har han lukkast med. Ved årssamlinga til produsent­laget fekk han synleg bevis i form av plakett for ti års leveranse av elitemjølk.

Historia om