Arkitektur N
05.05.2022
Bjørbekk & Lindheim vann den første reine landskapsarkitektkonkurransen i Nasjonale Turistveger ved å la naturen vere i fred og leggje til så lite som mogleg.
Til eit fjell
Det er som eg ikkje har sett deg fyr, endå eg har hatt di viljeklo for augo mine all min dag, fjell er fjell, og Herren har vegi dei. Reisingi har eg sett og roi, mitt eige overmod andsynes det uendelege, dette er tydde teikn.
Men i otta i dag såg eg deg: Du var ei ørn som venta på solkoma, flogbudd.
No har du falda ut dei breide vengene attum skogtoppane. Og skymingi og stjernone er dine - Olav H. Hauge (1961)
Kunsten kan vere ei annleis og fin kjelde til impulsar og innspel til ulike problemstillingar og i høve til å forstå og tolke eit naturlandskap. Johan Christian Dahl sitt storslåtte måleri «Hardangervidda» frå 1840 syner oss ein sterk, vakker og urørd natur. Ser vi godt etter, finn vi to karar med kvar sin hest kring eit bål; dei er små i det gigantiske landskapet og vert ein del av naturen.
«Til eit fjell» er tittelen på eit vakkert dikt som Hardingen frå Ulvik, Olav H. Hauge, skreiv i 1961. Diktet har to vers og handlar om fjellet som Hauge har vakse opp med og sett kvar dag «eg har hatt di viljeklo for augo mine all min dag, fjell er fjell og Herren har vege dei». Men samstundes har han hatt eit overmot i høve til det store landskapet: «Reisingi har eg sett og roi, mitt eige overmod andsynes det uendelege»
Men ein morgon er det som han ser fjellet på ny og må erkjenne at fjellet likevel er størst og sterkast som ei ørn klar til å flyge: «Men i otta i dag såg eg deg: Du var ei ørn som venta på solkoma, flogbudd.»
Begge kunstverka syner ei sterk ærefrykt for naturen og løftar den fram nærast som noko heilagt. Vi menneske er små i den store vakre naturen og vi må vere audmjuke i vår tilnærming til sårbar og urørd natur. I Noreg likar vi å tru at vi har nærast uavgrensa med urørd natur og villmark. Slik er det diverre ikkje lengre; vi må sjå og oppdage naturen på ein ny måte slik kunsten her gjer det.
Dei to kunstverka vart ein stor inspirasjon og ei rettesnor for arbeidet vidare med konkurransen om rasteplassar på Hardangervidda.
Hardangervidda - Nasjonal Turistveg. Statens vegvesen ved Nasjonale turistvegar har halde ei avgrensa plan- og designkonkurranse for tre stoppestadar langs Riksveg 7, mellom Haugastøl og Eidfjord. Det er første gong Nasjonale turistvegar lyser ut ein konkurranse berre for landskapsa
Gå til medietDet er som eg ikkje har sett deg fyr, endå eg har hatt di viljeklo for augo mine all min dag, fjell er fjell, og Herren har vegi dei. Reisingi har eg sett og roi, mitt eige overmod andsynes det uendelege, dette er tydde teikn.
Men i otta i dag såg eg deg: Du var ei ørn som venta på solkoma, flogbudd.
No har du falda ut dei breide vengene attum skogtoppane. Og skymingi og stjernone er dine - Olav H. Hauge (1961)
Kunsten kan vere ei annleis og fin kjelde til impulsar og innspel til ulike problemstillingar og i høve til å forstå og tolke eit naturlandskap. Johan Christian Dahl sitt storslåtte måleri «Hardangervidda» frå 1840 syner oss ein sterk, vakker og urørd natur. Ser vi godt etter, finn vi to karar med kvar sin hest kring eit bål; dei er små i det gigantiske landskapet og vert ein del av naturen.
«Til eit fjell» er tittelen på eit vakkert dikt som Hardingen frå Ulvik, Olav H. Hauge, skreiv i 1961. Diktet har to vers og handlar om fjellet som Hauge har vakse opp med og sett kvar dag «eg har hatt di viljeklo for augo mine all min dag, fjell er fjell og Herren har vege dei». Men samstundes har han hatt eit overmot i høve til det store landskapet: «Reisingi har eg sett og roi, mitt eige overmod andsynes det uendelege»
Men ein morgon er det som han ser fjellet på ny og må erkjenne at fjellet likevel er størst og sterkast som ei ørn klar til å flyge: «Men i otta i dag såg eg deg: Du var ei ørn som venta på solkoma, flogbudd.»
Begge kunstverka syner ei sterk ærefrykt for naturen og løftar den fram nærast som noko heilagt. Vi menneske er små i den store vakre naturen og vi må vere audmjuke i vår tilnærming til sårbar og urørd natur. I Noreg likar vi å tru at vi har nærast uavgrensa med urørd natur og villmark. Slik er det diverre ikkje lengre; vi må sjå og oppdage naturen på ein ny måte slik kunsten her gjer det.
Dei to kunstverka vart ein stor inspirasjon og ei rettesnor for arbeidet vidare med konkurransen om rasteplassar på Hardangervidda.
Hardangervidda - Nasjonal Turistveg. Statens vegvesen ved Nasjonale turistvegar har halde ei avgrensa plan- og designkonkurranse for tre stoppestadar langs Riksveg 7, mellom Haugastøl og Eidfjord. Det er første gong Nasjonale turistvegar lyser ut ein konkurranse berre for landskapsa
