Det susar historisk under takbjelkane, mellom dei gamle murveggene i fjøset til Audun Voll, sjølv om det ikkje lenger er råd å høyra lyden av gryntande grisar, drøvtyggjande kyr eller glade hestevrinsk frå stallen.
Men om du vil, kan du høyra på ei komplett Sputnik-samling frå ein kassettspelar i svart plast frå 1976.
Eller du kan be Audun kicka i gang ein tilsynelatande fabrikkny, svart og kvit, Tempo Corvette frå tidleg på 60-talet.
Startar med propanbrennarVil du lenger tilbake i tid, og har nok tid, kan du sjå når Audun finn fram propanbrennaren, fyrar opp open eld under motoren og plasserer rattet på det gedigne svinghjulet og dreier i gang ein tysk Lanz Bulldog, produsert i Mannheim i 1941.
- Traktoren er kjøpt i nabobygda, han er utstyrt med gummihjul og var i tyske Wehrmacht si teneste på Sola under krigen. Der vart han brukt til å slepa bombeflya og til å dra traller med bomber eller anna last, forklarer Audun.
Det lukter svakt av metall, mineralsk olje, gammalt treverk og slitne gummihjul. Små oljelekkasjar frå dei gamle veteranane som står lina opp, blir samla opp før dei svarte smørjedropane rekk å søla til golvet.
Her er veteransyklar og gamle traktorperler med to og fire hjul.
P
