Eigentleg var tanken at dei med tida skulle utvide mjølkestallen frå 2 x 3 til 2 x 5, men bøndene som driv gard ved utløpet av Sandsfjorden, ville ikkje leggje hindringar i vegen for ein gong å vurdere mjølkerobot heller. Det gjorde dei lurt i, for allereie etter to års drift bestemte dei seg for at det måtte bli robot i staden.
Me tar først eit steg tilbake. Då Anne-Mette og Bjørn Kjetil overtok garden i 2004, hadde den ein mjølkekvote på 58 tonn, 1 500 verpehøner og 40 vinterfôra sauer. Det første dei gjorde, var å utvide eggproduksjonen til 7 500 høns. Det skjedde i 2007, og to år seinare blei dei ein del av folkefjøsprosjektet i Rogaland. Prosjektet hadde som mål å byggje rimelege og funksjonelle fjøs, ved å byggje om og byggje på eksisterande fjøs.
LAUSDRIFT TIL 2,5 MILLIONARFjøsen på Hebnes eigna seg for ombygging. Løysinga blei å sette opp eit bygg på delar av langsida mot sør. I alt blei det bygd 32 liggjebåsar i det nye bygget, mens fôrbrettet er der det alltid har vore. Her er det skrapeareal, og fôrbrettet blir forsynt av ein TKS K2 EasyFeed. Ombygginga var kostnadsrekna til 2,5 millionar