Det var ei herleg tid å vera bonde på 70-talet. Det var sjølve glansperioden til norsk landbruk. Eg minnest folk som verkeleg satsa og synet av nye fjøs som møtte meg både titt og ofte. Du og du, det var ei god tid, fortel Magnus Grimset.
Måtte heim og ta overGrimset har stjerner i augo når han fortel om tida som gardbrukar på 70-talet. Han held ein liten kopp kaffi i den skjelvande høgre handa, og drøymer seg attende til farne år.
100-åringen ser ut vindauget og på snøen som lavar ned.
- Snø og lange vintrar kjenner eg godt til. Eg hugsar spesielt godt vinteren i 1947. Då var eg i militærteneste i Bergen, og far tok kontakt. Alt vatnet på garden heime hadde frose, og no klarte han ikkje å styre med det meir. Far sa eg måtte komme heim og ta over. Det gjorde eg.
Det er ein uvanleg klar 100-åring som tek i mot oss heime i einebustaden i Naustdal i Sunnfjord. I sitt 101 leveår er han som eit levande leksikon. Han har stålkontroll på både datoar og årstal.