Fagpressenytt

Namdalseid er ei aktiv landbruksbygd i Namsos kommune, nord i Trøndelag. Like ved fylkesveg 17 mellom Korsen og Namdalseid sentrum ligg eit mjølkebruk med ein ung, positiv produsent. John Oskar Sæther overtok garden frå far sin i 2020. Han hadde då sjølv jobba nokre år i Felleskjøpet, men kjende det klødde i fingrane etter å ta over mjølkegarden heime. Far til John Oskar, Jørgen Sæther, ordna seg i same tida arbeid som i-mek-seljar for Felleskjøpet, og begge var nøgde med den nye kvardagen.

Byte kornproduksjon med grovfôrproduksjon
Far og farfar til John Oskar hadde gjennom si tid som drivarar kjøpt attåt to nabogardar. Garden består difor i dag av 850 dekar dyrka areal. - Av dette dyrkar vi om lag 200-250 dekar korn, og resten grovfôr, fortel John Oskar. Trass korndyrking har dei likevel eit overskot på grovfôr. - Siste åra har vi i tillegg seld rundt 100-200 rundballar. - Denne gode grovfôrsituasjonen er heilt sentral for at eg i dag vel å bygga om kyllingfjøset til oksefjøs. Framover ser han for seg at dagens kornproduksjon skal bytast heilt ut med grovfôrproduksjon. - Då treng vi berre ha ei mekaniseringslinje, noko som utelukkande er positivt.

Kufjøs - påbygd i fleire omgangar
Den eldste delen av kufjøset vart bygd i 1972. Det vart bygd til ein produksjon på 200.000 liter mjølk, med fullt påsett. John Oskar fortel at fjøset så vart bygd om frå båsfjøs til lausdrift i 1989. I 1996 skjedde det ei ulukke på garden, då eine veggen på møkakjellaren vart øydelagd. Då dei likevel skulle ordna dette, bestemte dei seg for å byggja på ei ny ungdyravdeling. I den forbindelse vart også det kjøpt inn kvote, så den vart på 260 000 liter. I ettertid er det vorte kjøpt inn ytterlegare 10 000 liter, og så er dei resterande 120 000 liter leigd. I 2014 vart det sett inn ro