- Dessutan er det fantastisk gildt å stella kulturlandskapet og sjå når område dekka med kratt og ugras blir erstatta med verdifullt grønt gras, seier dei to.
Godt klima
Gardsbruket til Herdis og Kjetil ligg på Ravndal i Gjesdal kommune i Rogaland. Tunet ligg 150 meter over havet, medan den høgaste toppen ruvar 500 meter over nivået til Nordsjøen, eit par tre mil mot vest.
Klimaet for gardsdrift er det beste. På fleire måtar.
- Me er heldige, med fleire aktive bruk i ei klynge rundt oss. Det blir mest som ei lita grend med aktive bønder, utruleg trivselsskapande med gode naboar, seier dei.
Les meir: Vil strupe kraftfôrsekken
Herdis og Kjetil driv garden på femtande året. Dei tre borna har blitt vaksne, yngste dottera Helen bur framleis heime, medan dei to andre, Elise og Joar, har flytt ut or reiret.
