Morten var berre tre år då foreldra forstod at bondelivet var noko som fascinerte den unge poden. Han fekk seg tidleg FK-caps og kjende fleire traktorar, og med det bønder i bygda, på traktorlyden.
- Eg var mykje hos nærmaste naboen, som dreiv med mjølk, frå eg var rundt fem og fram til 8-9 års alderen. Frå 6. klasse var eg fast ein dag i veka hos Torleiv Håbrekke. Det var hos han eg lærde om mjølking og florstell, seier Morten som seinare har arbeidd hos fleire andre bønder som avløysar.
Oljejobb i NordsjøenBondedraumen har levd i beste velgåande opp gjennom åra, sjølv om læraren hans på ungdomsskulen meinte at å ville bli bonde utan gard, var som å ville vere konge utan land.
Etter ungdomsskulen tok Morten naturbruk med påbygging, ved Stend vidaregåande skule i Bergen og på Voss.
Han tok seinare borekurs, fekk seg fast jobb i Nordsjøen og utdanna seg til petroleumsteknikar i Bergen.
Men linken til landbruket heldt Morten ved like.
- Eg arbeidde heile tida som avløysar i tillegg, og draumen om eigen gard hadde eg med meg vidare, seier han.
Telefon frå SjuseteI 2012 kom tilbodet han ikkje kunne seie nei til. Eigarane på Sjusete, ein gard på veg til stølen Holsete, ringde og sa dei ville selje, og at dei ville selje til Morten. Dei hadde gjort mykje med garden etter dei kjøpte han.
- Eg ville gjerne kjøpe. Taksten var på 3,6 millionar kroner, og eg søkte Innovasjon Norge om lån. Men de
