Bok og bibliotek
17.09.2021
Organisasjonen Pen Path har starta bibliotek og skular over heile Afghanistan. Kva skjer no når Taliban har teke makta? - Om dei eller ei anna gruppe vil drepe meg eller våre frivillige, så er vi klare. Men vi vil ikkje leggje ned arbeidet vårt, seier Pen Paths grunnleggjar Matiullah Wesa.
Då Matiullah Wesa gjekk i fjerde klasse, vart skulen hans nedbrend av Taliban. Det var far hans som hadde starta skulen, og han vart trua på livet, så familien vart nøydd til å søkje seg til ein annan del av provinsen Kandahar.
Det å bli hindra frå skulegang var ei erfaring som førte til at han og den eldre broren fleire år seinare tok initiativ til å opne den øydelagde skulen. Dette vart frøet til organisasjonen Pen Path, som no finst i heile Afghanistan og engasjerer 2400 frivillige. Leiar for verksemda er Matiullah Wesa, som i dag er 29 år og har utdanna seg i menneskerettar i India.
Når vi snakka med han på WhatsApp, har det gått to døgn sidan byen og landet fall i hendene til det nye regimet. Han er på organisasjonen sitt kontor sentralt i Kabul og fortel at han passerte fleire talibanarar på veg dit, men at det er stille i gatene.
- Løysinga er utdanning
Før samtalen har han sendt ei liste med 32 punkt som fortel om aktivitetane til organisasjonen, og kva dei har oppnådd. Først kjem dei 100 skulane som kunne gjenopnast. Sidan dei 46 skulane som organisasjonen har bygd frå grunnen. Deretter opprettinga av 39 bibliotek i dei mest avsides delane av landet, heimestudium for
Gå til medietDet å bli hindra frå skulegang var ei erfaring som førte til at han og den eldre broren fleire år seinare tok initiativ til å opne den øydelagde skulen. Dette vart frøet til organisasjonen Pen Path, som no finst i heile Afghanistan og engasjerer 2400 frivillige. Leiar for verksemda er Matiullah Wesa, som i dag er 29 år og har utdanna seg i menneskerettar i India.
Når vi snakka med han på WhatsApp, har det gått to døgn sidan byen og landet fall i hendene til det nye regimet. Han er på organisasjonen sitt kontor sentralt i Kabul og fortel at han passerte fleire talibanarar på veg dit, men at det er stille i gatene.
- Løysinga er utdanning
Før samtalen har han sendt ei liste med 32 punkt som fortel om aktivitetane til organisasjonen, og kva dei har oppnådd. Først kjem dei 100 skulane som kunne gjenopnast. Sidan dei 46 skulane som organisasjonen har bygd frå grunnen. Deretter opprettinga av 39 bibliotek i dei mest avsides delane av landet, heimestudium for
