Veksttorget 2020 er et samarbeid mellom Bondebladet og Norsk Landbruksrådgiving (NLR). Hver uke framover rapporterer NLR-rådgivere om vær og vekst i hele landet i Bondebladet og på nlr.no.
Møre og Romsdal: Groravér på MøreDei siste vekene har grasveksten verkeleg teke av på Nordvestlandet. Nok fukt i jorda saman med temperaturar mellom 15 og 20 grader, er ideelt for graset. Etter ein moderat førsteslått, er det mange som no vil kunne hauste ein brukbar andreslått. Eit skår i gleda er at areal i høgareliggande strok fekk ein dårlegare start på gjenveksten etter første slåtten.
Jordbærsesongen har vore hektisk, med svært stor etterspørsel etter dei søte, raude. For hovudsortane er det no heilt på slutten, medan dei seinare sortane, som Florence, er i starten. Dei såkalla ventebedsplantene har ein enno ikkje starta plukkinga av, til døme sorten Salsa som enno berre står med grøne kart. Her vil ein kunne plukke bær i fleire veker framover.
For potetplantene er vêret no truleg heilt optimalt. Men det er det også for tørrotesoppen, med ei regnbyge eller to kvar dag. Potetbøndene har travle dagar, med opptaking av dei mellomtidlege sortane, og plantevernarbeid i dei seinare sortane.
I frukthagane skulle det ha vore stor aktivitet, med hausting av moreller, og etter kvart plommer. Snøbygene i mai gav total avlingssvikt på be