Fagpressenytt

Tommelfingerregelen på eit greitt avlingsår hjå Grude er tre rundballar på førsteslåtten, to på andre- og ein rundballe på tredjeslåtten. Med ei rundballevekt på 750 kilo og ein tørrstoffprosent på drygt 30, vil dette bety ei totalavling på 1 200 kilo tørrstoff, med kring 800 fôreiningar på målet.

- Alt utover dette er bonus, seier Endre Grude.

150 dekar dyrka kvalitetsjord på Grude i Klepp på Jæren gir mykje grønt gras. Balansegangen mellom volum, kvalitet og kostnadane på innsatsfaktorane er viktig å ta omsyn til for å få brukbar lønsemd i drifta, erfarer jærbonden. Han leiger pløying og har ein fast entreprenør som tek seg av slåing, raking, pressing og pakking. Resten av arbeidet blir utført med eigen maskinpark.

- Grasdyrking for sal er nok ein marginal produksjon med ei avgrensa oppside, men produksjonen er ein enkel og grei måte å driva jorda på, og så lenge ein veit kva ein held på med, går det an å tena nokre kroner, fastslår Endre Grude, nøkternt.

Jærbonden bikka 70 år i fjor. Han og kona, Henny, er begge pensjonistar. Det er dottera Dagrunn Grude Hagen som har tatt over garden. Både ho og mannen, Arild Hagen, er i fullt arbeid, men både dei og borna deira er engasjerte i gardsdrifta. Dei hjelper til i vår- og slåttonnene, er med og administrerer, og er elles meir enn komfortable med at Endre ikkje har lagt bondeyrket og virketrongen på pensjonisthylla.

På garden var det i