I mars la Reidar Almås fram si nye bok: Omstart - Forslag til ein ny landbrukspolitikk.
Almås er professor i bygdesosiologi, han etablerte Norsk senter for bygdeforskning i 1982, og stod også i spissen for den såkalla Hitraaksjonen i 1975, som munna ut i Opptrappingsvedtaket for landbruket.
No vil han nok ein gong forandre norsk landbruk - før det er for seint.
På veg dit vi ikkje vil- Vi er på veg dit vi ikkje vil, seier han, og viser til mellom anna minkande jordbruksareal, fallande kornproduksjon, redusert beitebruk og økt import.
- Uansett korleis vi reknar, er sjølvforsyningsgraden på veg ned, fortel Almås.
Difor må vi peile oss inn på ein ny kurs, meiner han. Målet han set opp er å produsere meir av det vi produserer for lite av i dag: Storfekjøtt, gras og korn, og å gjere det på norske ressursar.
Men korleis kjem vi fram til det målet? Det spørsmålet har han har stilt seg i den nye boka.
- Inntil for eit år sidan var eg ein av museumsvaktarane som forsvarer den norske modellen. Dei, deriblant Bondelaget, seier at den norske modellen ville fungere om den fekk nok pengar. Men vi får ikkje dei pengane. Eg har slutta å tru på det. Dei pengane vil ikkje komme før vi kjem dit vi ikkje vil, sa Almås med vekt på kvart av dei siste orda då boka vart lansert på eit landbrukspolitisk seminar i mars.
- Eg ser det som er i ferd med å skje. Det må vi forhindre. Og då må vi h
