Fagpressenytt

... SKAL: undersøke legitimiteten til troféjaktselskap og zoologiske hagar og kva rolle dei spelar for bevaring av truga dyreartar ? VISST ER EG AKTIVIST, EG TRUR JO AT FORSKING KAN BIDRA TIL EI BETRE VERD. RAGNHILD SOLLUND Sjeldan kjem skadefryd så utilslørt til uttrykk i sosiale medium som når ein milliardær som har reist til Afrika for å drepe storvilt, sjølv blir offer for dyra han jakta på. Likevel held både troféjakt og handel med levande og døde truga dyreartar fram i stor skala.
No skal forskarar finne ut kva som er funksjonen deira i vår tids naturmangfaldskrise.
Tilslag med eit nødskrik – Eg tenkte å starte med å gratulere med tildelinga, men du har jo fått FRIPRO-midlar fleire gonger før, så for deg er dette kanskje daglegdags?
– Nei, det er det absolutt ikkje. Dette prosjektet måtte eg kjempe hardt for, seier Ragnhild Sollund, professor i kriminologi ved Universitetet i Oslo (UiO).
Ho forskar på grøn kriminologi og vart tildelt fripro-midlar i kategorien for erfarne forskarar i vår. Men tildelinga sat langt inne. Ho fekk i første omgang dårlege karakterar, avslag og friprokarantene.
– Panelet som vurderte søknaden, meinte at prosjektet var heilt unødvendig, at det ikkje var i forskingsfronten, og at spørsmåla ikkje var verd å forske på, fortel Sollund.
Då ho undersøkte kven som sat i panelet, fann ho at ingen hadde kunnskap om feltet hennar.
Sollund klaga på saksbehandlinga, fekk medhald og ny vurdering, og altså til slutt tilslag.
– Det var først og fremst ein gedigen lette, for det er ei så stor påkjenning med ein slik prosess.
Og for min del blir dette mitt siste forskingsprosjekt, for eg blir pensjonist om nokre å