Forskerforum
09.05.2017
Du veit det er ille når nerdane demonstrerer.
Y ou know it's bad when the nerds start marching. Denne plakaten var å sjå i Oslo-utgåva av vitskapsmarsjen 22. april, som samla demonstrerande akademikarar landet og verda rundt (sjå eigen notis på side 13). Forskerforum har vore med på å teikne eit bilete av ein ny forskargenerasjon i Noreg med lite engasjement. No vert vi heldigvis korrigerte. Vitskapsmarsjen mobiliserte mange, unge og gamle. Ved NTNU starta ei gruppe ph.d. -studentar lokale filialar av dei internasjonale protestrørslene New University og ProtestPub (debattmøte på puben). Utgangspunktet var storfusjonen og omorganiseringar han førte med seg, men initiativa lever vidare. Oppsummeringa av behovet er grei, og eg lånar han frå tittelen på eit innlegg frå ph.d. -studentane sjølve i Forskerforum: «Universiteta treng bråk! » For å parafrasere Åge Aleksandersen: Det spirer og gror, og lat det halde fram slik.
Gå til mediet