Fagpressenytt

Skriving, altså. Ein metafor eg iallfall trur eg har laga sjølv, er slik: Du har eit stoff, eit innhald, du vil ha fram, og for deg er det rundt. No skal du gje det ei form som er forståeleg for andre, og sjå for deg den vanlege teksten: rektangulær. Å, for eit strev å finne forma.
Ein mistar noko når rundingen skal verte eit rektangel, men ei viss tilpassing er nødvendig. Fagfellane, og i beste fall ein del av omverda, skal kunne forstå og byggje vidare på det du skriv. Dersom fagtradisjonen er eit byggesett av rektangel, passar den runde teksten din dårleg inn. På den andre sida: Er den gamle kunnskapen, som du skal byggje vidare på, så uttømmande og djup som mogeleg? Her har tusenvis av forskarar før deg pressa det runde materialet sitt inn i ei rektangulær form. Borte er dei runde kantane, og inn har det kome vinklar. Om l