Fagpressenytt

Ei stor sak i Forskerforum 3/2008 hadde tittelen «Forskerne som blir borte». Kvifor fell fleire kvinner enn menn ut av den akademiske karrieren? Mange aspekt er nemnde: konkurransekulturen i akademia, kameraderi, arbeidsvilkåra (den gongen som no med mykje mellombels tilsetting), og å få ungar midt i kvalifiseringsløpet. Vi hadde snakka med ein fråfallen, kvinneleg forskar, som oppsummerte det heile med at ho «ikkje hadde nok vilje. » Og så hadde vi sjølvsagt med figuren Saksa, ein moderne klassikar: Saksa viser korleis kvinnene er i fleirtal ved starten av studia, men undervegs i den akademiske karrieren stupar kvinnegrafen og kryssar den stoisk stigande mannsgrafen. Jo høgare i karriereløpet, jo større er mannsovervekta.

I 2012 kom Arbeidsforskingsinstituttet (Afi) med ei undersøking av tidsbruken i akademia. Den viste at kvinner med barn jobba færrast tim