Fagpressenytt

- Alle som driv friluftsliv i skogar som Heiðmörk, Kjarnaskógur og i dei mange planta skogane som skogselskapa har rundt om i landet, dro ikkje dit, om der ikkje var skog der. Dette utgjer til saman fleire millionar skogbesøk årleg. Dei få som protesterer mot skogreisinga utgjer nesten ingenting samanlikna med dette, seier Eysteinsson.

På den andre sida er det ei verre sak å få politikarane med på større løyvingar til skogreisinga. - I eit demokrati må dei gjera som folket vil, ikkje det som forvaltninga vil. Offentleg forvaltning er verktøyet dei har for å setja ut i livet det som folket vil. Difor er det viktig at folk seier meininga si om skogreisinga. Det er ein tendens til at folk helst seier ifrå når det er noko dei er usamde med, medan dei teier når dei er samde. Det fordreiar litt det inntrykket dei styrande får av folkeviljen. Dei som stør auka skogreising bør absolutt lata politikarane få vita om dette, fortsetter han

MOTSTAND HAR DET ALLTID VORE

Trass at skogreisinga nyt allmenn velvilje og stønad på Island, er det ein del som uttrykkjer tvil om kor bra ho er. Þröstur legg ikkje særleg vekt på dette og peikar på at innvendingar har kome fram like frå skogreisinga tok til. - Opphavleg dreia debatten seg om at det ikkje var mogeleg å få skog til å veksa på Island, og difor var skogreising meiningslaus sløsing med pengar. Då det sidan vart klart at tre kunne veksa på Island, vart det lenge påstått at skogbruket aldri kunne verta lønsamt. No som det er klart at skogreising er godt mogeleg i store delar av landet, og at ho kan vera lønsam, er det somme