Fagpressenytt

Landa har lenge prøvd å inkludere ein slik utfasingsplan i FN-klimaforhandlingane, men førebels utan hell. I mellomtida har dei starta ein eigen prosess, som skal vere eit tillegg til FN-prosessen, og som skal utarbeide konkrete, forskingsbaserte løysingar. Eit nytt internasjonalt vitskapspanel skal støtte prosessen. Noreg var representert ved statssekretær i Klima- og miljødepartementet Astrid Hoem, men har ikkje forplikta oss til konkrete bidrag.
– Vi tek med oss dei gode erfaringane og diskusjonane herifrå heim. Alle stader der ein møter andre land for å diskutere korleis vi raskare kan kome oss gjennom den energiomstillinga verda treng, er viktige, seier Hoem. Vil ha sterkare styring Forskerforum har tidlegare skrive om at det er eit skrikande behov for forsking på oljeutfasing.
Fordrar det ei omlegging av forskingsfinansiering?
– I vår studie kjem landet betre ut dersom styresmaktene grip inn i fordelinga av forskingsressursar: Statleg støtte til forsking på petroleumsteknologi bør bli redusert, medan støtta til forsking på reine teknologiar bør aukast, seier professor Knut Einar Rosendahl ved nmbu Handelshøgskolen.
Saman med to kollegaer har Rosendahl modellert kva som kan skje når eit lite land med ein open økonomi og med verdifulle naturressursar – til dømes Noreg med oljen sin – rettar det meste av forsking og innovasjon inn mot framleis å utnyt