42 millionar til nye prioriteringar
U niversitetsdirektøren skriv i budsjettkommentaren at UiOs handlingsrom no er under press. «Risikoen for redusert bevilgning i årene framover anses større enn mulighetene for økt bevilgning. UiO har over flere år tapt terreng i den nasjonale kampen om ressursene til UH-sektoren» Av den samla potten på 6,189 milliardar kroner som UiO reknar med institusjonen vil få som løyving frå Kunnskapsdepartementet, har Universitetsstyret allereie vedtatt prioriteringar til institusjonelle tiltak som når opp til åtte prosent av løyvinga frå KD. Det vil seia ein samla sum på 465 millionar kroner. Dermed blir det berre igjen ein pott på 42 millionar kroner til nye prioriteringar for 2023. Desse går til satsingane Demokrati med 13 millionar og med sju millionar overført frå UiO-Norden frå tidlegare, får prosjektet til saman 20 millionar kroner, til Energi og miljø med 7 millionar no, og med ei tidlegare løvying på 13 millionar, får prosjektet til saman 20 millionar kroner. Det nasjonale prosjektet for sakshandsaming og arkiv er føreslått ei tildeling på 12 millionar kroner. Føresetnaden er sjølvsagt at Universitetsstyret stemmer for forslaget til vedtak.
I tillegg er det lagt inn eit rammekutt på 0,5 prosent for alle einingane som ein konsekvens av det som er igjen av den utskjelte ABE-reforma som regjeringa til Erna Solberg innførte i byrjinga av perioden den sat med makta. UiO har også lagt inn ein sannsynleg lønns- og prisvekst på 3,4 prosent i sine utrekningar. Det samsvarar med Statistisk sentralbyrå sin prognose for 2023.
UiO-leiinga går
