48,4 millionar i tap
Verst ute er Kulturhistorisk museum som truleg vil få eit inntektstap på 48,4 millionar kroner i år. Odontologi ligg an til å få eit inntektstap på 13,5 millionar kroner, medan Naturhistorisk museum vil mista inntekter på 4,5 millionar kroner i 2020. Det samla tapet for dei tre UiO-einingane kjem dermed truleg til å koma opp i 66,4 millionar kroner.
Inga naudhjelp frå staten
UiO har bede Helsedirektoratet om tilleggsløyving til odontologi, men svaret UiO har fått, er at dei ikkje er rette instans, og derfor har Helsedirektoratet sendt søknaden vidare til Kunnskapsdepartementet. Der har dei heller ikkje fått nokon lovnad om ekstra løyvingar, men det blir peika på at avgjerda om kven som skal få ekstra løyvingar på grunn av konsekvensane av virusutbrotet, skal «håndteres i arbeidet med tiltakspakker og i statsbudsjettprosessen for øvrig.».
Sparer 100 millionar
UiO har rekna ut at etter årets lønnsoppgjer vil alle einingane på UiO ha spart rundt 50 millionar kroner, så sant lønns- og prisutviklinga endar på 1,8 prosent, slik Statistisk sentralbyrås prognose går ut på. Avbyråkratiserings- og effektiviseringsreforma (ABE-reforma) blir auka med 0,5 prosent i 2021. Samla vil det gi eit kutt på 29,5 millionar kroner, noko som UiO hadde rekna med. Fordi Statens pensjonskasse har redusert arbeidsgjevaren sin del av pensjonssatsen med 2,4 prosent i sektoren, har UiO rekna ut at dei vil spara 100 millionar kroner i 2021. Men dei
