Vil oppretthalde kursa
Det er Enhet for akademisk språkpraksis ved universitetsbiblioteket som driv norskkursa for tilsette.
- Vi har no fått beskjed om at rektoratet ønskjer at norsktilbodet skal oppretthaldast, så vi er i gong med å engasjere timelærarar som ikkje fekk fornya avtale ved budsjettbehandlinga i oktober, skriv bibliotekdirektør Lars Egeland til Forskerforum.
- Sjølv om vi ikkje kunngjorde nye kurs for dette semesteret, er vi ikkje i tvil om at behovet er stort, og at det blir deltakarar til kurs både for nybegynnarar og vidarekomne.
Tilsette ved Oslomet har engasjert seg og får behalde norskkursa. Frå venstre: Pavel Zemliansky, Tom Griffiths og Diego Praino. Foto: Johanne Landsverk
- Svært viktige norskkurs
Ein av dei som ha engasjert seg, er professor Tom Griffiths, som kjem frå Australia og har budd i Noreg sidan august.
- Eg underviser i internasjonale studiar. All undervisning og akademisk arbeid føregår på engelsk, og vi snakkar berre engelsk på jobb. Nettopp difor er dette norskkurset så viktig for meg, seier han.
I eit brev til rektor Curt Rice skreiv Griffiths at å redusere norskkursa vil gje små innsparingar for Oslomet, men kostnadene for dei det gjeld vil bli store.
Universitet og høgskular i Noreg har plikt til å gje tilsette som ikkje kan norsk eller skandinavisk eit tilbod om opplæring i norsk. I dei språkpolitiske retningslinjene ved Oslomet heiter det at tilsette innan tre år frå tilsetjingspunktet skal kunne vise til norskkunnskapar tilsvarande nivå B2.
Les meir:
Image-text:
Tilsette ved Oslomet får behalde norskkursa. Foto: Jørgen Svarstad
Extra-info:
Fakta Europarådets nivåskala for språk A1 - Nybegynnar A2 - Litt øvd B1 - Mellomnivå B2 - Høgare mellomnivå C1 - Høgare nivå