Frilansjuryen påpeker også at Risberg har en velutviklet forretningssans og gode evner til å selge inn sakene sine til flere redaksjoner.
Fjorårets vinner var fotojournalist Kyrre Lien, mens prisen i 2018 gikk til Henrik Evertsson, nå aktuell med den mye omtalte Estonia-dokumentaren.
Årets frilanser 2020: Morten Risberg. Foto: Privat
Dette er juryens begrunnelse:
Prisen går til ein frilansar som kan vise til solid, stor og variert journalistisk verksemd. Dei siste par åra har han mellom anna levert saker til Aftenposten Innsikt, A-magasinet, VG, Vi Menn, Harvest, Villmarksliv, Naturpress, Norsk Klatring og Fri flyt.
Prisvinnaren tenkjer nytt i vinkling og val av saker. Han tek gjerne føre seg viktige tema som har gått under den redaksjonelle radaren. Juryen vil også trekke fram frilansaren si evne til å formidle krevjande og innfløkte tema på ein engasjerande, balansert og tydeleg måte. Ynskjet om å forstå og forklare samanhengar skin gjennom.
Prisvinnaren har teke føre seg ganske ulike tema. Han har mellom anna sett på nye tiltak innan klima og miljøvern, alternativ tenking innan medisin - og utfordringar for marginaliserte, avsidesliggande kulturar. Fleire av sakene har sett agenda og skapt debatt. Eit godt eksempel er den grundige dekninga av utfordringar i den innfløkte, norske straum-marknaden.
Prisvinnaren er dessutan ein dyktig fotograf, både når det gjeld fototeknikk og val av motiv. Sidan eigne bilete gjer stoffet meir attraktivt både for redaksjonane og lesarane, meiner juryen at dette er ein stor styrke. Forretningssans er heller ikkje å forakte for ein frilansar, og vinnaren har ei god evne til å tilpasse og selje inn sakene sine til fleire redaksjonar.
Juryen vil dessutan heidre samfunnsengasjementet som tydeleg ligg til grunn for arbeidet til årets frilansar. Dette samfunnsengasjementet har også fått uttrykk i eit samarbeid med Helsingforskomiteen rundt situasjonen i Armenia og konflikten i Nagorno-Karabakh.
Årets frilansar er Morten Risberg. Gratulerer!