Han vil skapa ein kollektiv eigarskap til demokratiforskinga

Uniforum 30.06.2022

Martin Toft

UiO:Demokrati vil frå nyttår overta stafettpinnen frå UiO:Norden. - No håpar eg folk frå heile bruket UiO melder seg, frå statsvitskap til medisin, og frå informatikk til litteraturvitskap, seier Tore Rem som vert direktør for forskingssatsinga.

Den 21. juni vedtok Universitetsstyret rammene for den prioriterte satsinga for 2023. Saman med UiO: Energi og miljø er UiO:Demokrati dei to store tverrfaglege forskingssatsingane som skal sjøsetjast frå nyttår. Begge satsingane får 20 millionar kroner kvar på budsjetta sine, inkludert tidlegare vedtekne tildelingar. Frå før held UiO:Livsvitskap fram som ei tverrfagleg forskingssatsing.

Professor i engelsk litteratur, Tore Rem går om eit halvt år av som direktør for UiO:Norden til å bli direktør for UiO:Demokrati. No er han akkurat ferdig med teksten i utlysinga om forskingspengar til forskarar som er interesserte i setja i gang forskingsprosjekt innanfor dei fem temaområda dei vil satsa på:

1. Demokratiets institusjonar

2. Medborgarskap

3. Kunnskapens rolle

4. Krisehandtering

5. Demokrati i kvardagen

Kvar forskargruppe kan få mellom to og seks millionar

Les mer